آ گیا ہوں شب سہانی دیکھ کر

آگیا ہوں شب سُہانی۔۔۔۔۔۔۔ دیکھ کر
دوستوں کی مہربانی۔۔۔۔۔۔۔۔ دیکھ کر

گل کھلے جاتے ہیں۔۔۔۔۔ کیا کیا دیکھئے
گل رُخوں کی گل فشانی ۔۔۔۔۔دیکھ کر

رُک گیا ہے چودہویں کا ۔۔۔۔چاند بھی
جانِ من تیری جوانی۔۔۔۔۔۔ دیکھ کر

خون ہو ہو جائے کیوں نہ ۔۔دل میرا
آپ کو یوں پانی پانی۔۔۔۔۔۔۔ دیکھ کر

ناگہاں یاد آگیا ۔۔۔۔۔۔۔۔۔دل کا لہو
تیرا آنچل ارغوانی۔۔۔۔۔۔۔ دیکھ کر

رُک گیا ہے وہ ۔۔۔۔۔۔صبا رفتار بھی
میری غزلوں کی روانی ۔۔۔۔۔دیکھ کر

ہر کس و ناکس کو ہم۔۔۔۔ دیتے نہیں
ہاں مگر دل کی نشانی۔۔۔۔۔۔ دیکھ کر

ٹوٹ نہ جائے حصارِ جاں۔۔۔۔ میرا
عشق کی یہ سرگرانی۔۔۔۔۔ دیکھ کر

ڈر ہے یہ شاعر نہ بن جاؤں۔ ۔کہیں
شاعروں میں قدر دانی۔۔۔۔ دیکھ کر

کم ظرف اِ س کو پی نہیں سکتے۔ وسیم
ہے غزل میں مے پُرانی۔۔۔ دیکھ کر