اب مجھے تیرا انتظار نہیں

اب مجھےتیرا۔۔۔۔۔۔۔۔۔ انتظار نہیں
دل کو پھر بھی مرے۔۔۔۔۔ قرار نہیں

خون ٹپکے گا ہر رگِ گل۔۔۔۔۔۔۔سے
باغباں جب کہ۔۔۔۔۔۔۔ ہوشیار نہیں

ہوش باقی نہیں۔۔۔۔۔۔۔ دیوانوں کے
رنج ہو گا اگر۔۔۔۔۔۔۔۔۔خمار نہیں

دل وہی آئینہ ہے۔۔۔۔۔۔۔ اے یارو
جس پہ نفرت کا کچھ۔۔۔۔۔۔ غبار نہیں

جھک جا بس عاجزی سے رب کے حضور
تُو تَو خاکی ہے ۔۔۔۔۔۔۔کوئی نار نہیں

نقد جاں پیش کر۔۔۔۔۔۔۔ محبّت میں
یہ وہ سودا ہے جو۔۔۔۔۔۔ اُدھار نہیں

خون روئیں گی مدّتوں۔۔۔۔۔۔ نسلیں
تیغ گر تیری۔۔۔۔۔۔۔ آب دار نہیں

مجھ میں سب عیب پائے۔۔ جاتے ہیں
ہاں مگر کبر کا ۔۔۔۔۔۔۔۔۔غبار نہیں

وہی ٹھہرے گا چور ٹھہرو۔۔۔۔۔تو
جس کے دامن میں کوئی ۔۔تار نہیں

سبھی مجرم ہیں کس کو پکڑو۔۔۔۔گے
کون ہے جو کے ۔۔۔۔۔داغدار نہیں

تپتی راہوں پہ مفلسی ۔۔۔۔۔۔کی وسیم
دور تک کچھ بھی۔۔۔۔ سایہ دار نہیں