ارادہ کرلیا ہم نے

تجھے اپنا بنانے کا ارادہ کرلیا ہم نے
تیرے دل میں سمانے کا ارادہ کرلیا ہم نے

میری دھڑکن کے سازوں سے وفا کے سر بنے جو وہ
تیرے دل کو سنانے کا ارادہ کرلیا ہم نے

فلک ہوجائے گا خالی کہ اب سارے ستاروں سے
تیری پلکیں سجانے کا ارادہ کرلیا ہم نے

بدولت عشق کی طاقت کھلی آنکھوں سے اب تجھ کو
حسیں سپنا دکھانے کا ارادہ کرلیا ہم نے

الگ انداز سے احسن پرانے غم بھلا کر اب
نئی خوشیاں منانے کا ارادہ کرلیا ہم نے