Add Poetry

اس نے ہاتھوں میں جب لے لیا آئنہ

Poet: شہباز By: شہباز, Karachi

اس نے ہاتھوں میں جب لے لیا آئنہ
سامنے آئنے کے ہوا آئنہ

ان کے دست ہنر کا یہ اعجاز ہے
ایک پتھر تھا میں ہو گیا آئنہ

آئنے کی طرف سے وہ گزرے تھے بس
دیر تک ان کو تکتا رہا آئنہ

حسن پر اس کو اپنے تھا اتنا گماں
زندگی بھر بدلتا رہا آئنہ

حال دل اس پہ یوں منکشف ہو گیا
میرا چہرہ ہی جب ہو گیا آئنہ

زندگی کا یہی ان کی عنوان ہے
آئنہ آئنہ آئنہ آئنہ

جھوٹ کو جھوٹ سچ کو جو سچ کہہ دیا
سنگ باری کی زد میں رہا آئنہ

جو اٹھاتے ہیں تم پر سدا انگلیاں
تم بھی ان کو دکھا دو ذرا آئنہ

عشق و الفت کی دانشؔ یہ معراج ہے
میں ترا آئنہ تو مرا آئنہ
 

Rate it:
Views: 1
09 Sep, 2025
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets