اپنے الفاظ میں احساس محبت لکھنا

اپنے الفاظ میں احساس محبت لکھنا
مجھ پے لازم ہے تجھے اپنی ضرورت لکھنا

اپنے معروف خصائل سے گزر کر پیارے
میری عادت تیری رسوائی کو شہرت لکھنا

تیرا انداز سیکھایا مجھے فن لکھنے کا
تم نہ ہوتے تو نہ ہوتی میری فطرت لکھنا

پاک نظروں سے اسے دیکھ کے لوٹ آتا ہوں
اے فرشتوں میری الفت کو عبادت لکھنا

وقت کٹنے میں کچھ آسانی تو ہوجائے گی
غنی فراق میں گھڑیوں کی طوالت لکھنا