اک گل
Poet: اصوفی شاعر حضرت غلام حضور شاہ By: maqsood hasni, kasurاک گل
نال وسدے گھر سوہنے اک وسدے گھر اجاڑ جاندی
اک گل
برادری نال میلے اک گل وگاڑ وگاڑ جاندی
اک گل
تے دلاں وچ ٹھنڈ پاوے اک گل تے جگر نوں ساڑ جاندی
اک گل
نال ودھدا پیار ڈاہڈا اک گل نکھیڑ نکھاڑ جاندی
اک گل
نال میل میلاپ ہوون اک گل وچھوڑ وچھاڑ جاندی
اک گل
تے دلاں وچ رہے خفیہ اک گل کھلر ہٹھاڑ اوتاڑ جاندی
اک گل
تے مویاں نوں کرے زندہ اک گل تے جیوندیاں مار جاندی
اک گل
نال بازیاں جت جاندے اک گل تے بازیاں ہار جاندی
اک گل
نال وگڑے کم سورن اک گل تے کر خوار جاندی
اک گل
نال ودھدا شان ڈھڈا اک گل تے ہو بے کار جاندی
اک گل
جے کرے کوئ یار تھوزی زمانے ایس وچ ہو پہاڑ جاندی
اک گل
تے پریم دا جال پاوے اک گل تے پڑتنے پاڑ جانی
اک گل
نال جنت خرید لیندے اک گل تے دوزخیں واڑ جاندی
غلام حضور شاہ آکھے بھلا کرو سارے
گل بھلے دی بندے نوں تار جاندی
از: صوفی شاعر حضرت غلام حضور شاہ
(1988 تا 1907)
