اکھیاں لا کے کی کرنڑا

اکھیاں لا کے کی کرنڑا
نیر وغا کے کی کرنڑا

مدت ہوئی سُتے نے
لیکھ جگا کے، کی کرنڑا

او تے میرا اپنڑا اے
چھگڑا پا کے، کی کرنڑا

ٹوٹدی اے تے ٹُٹ جاوے
تونڑ جھکا کے، کی کرنڑا

مسجد اک دن رو-وے گی
مندر ڈھا کے، کی کرنڑا

جتھے بیلی اک وی ناں
اوتھے جا کے، کی کرنڑا

کوئی ڈھول وجاندا نا ہی
گور سجا کے، کی کرنڑا

دس نی خوشئے میرے توں
نیڑے آ کے، کی کرنڑا

دشمنڑ دور ہی چنگا اے
کول بلا کے، کی کرنڑا

کیتا اگے آنڑا اے
مٹی پا کے، کی کرنڑا

روٹی پاندے کُتیاں نوں
پائی کھا کے، کی کرنڑا

ٹٹُے ناں تے مڑ پیندا
ہور جھکا کے، کی کرنڑا

اظہرے یار طبیباں توں
پیٹ لُکا کے، کی کرنڑا