اگر آساں ہوتا۔۔۔۔

ہم اس کو بُھلا دیتے، بھلانا اگر آساں ہوتا
یادوں کو مٹا دیتے، مٹانا اگر آساں ہوتا

بے لوث محبتیں ہیں، اب بھی اس کے لئے ورنہ
نیا عشق جما لیتے، جمانا اگر آساں ہوتا

دامن تھا تار تار، اور عشق کی پکڑ تھی
دامن چھڑا لیتے، چھڑانا اگر آساں ہوتا

کچھ اس میں تھی خود غرضی، کچھ میں اَنا کا قیدی
سو بار منا لیتے، منانا اگر آساں ہوتا

لوگ اکثر ہیں پوچھا کرتے، اس بیوفا کا نام
تیرا نام بتا دیتے، بتانا اگر آساں ہوتا

جیون کا کورا کاغذ، تیرے بعد بھی رکھا کورا
نیا رنگ چڑھا لیتے، چڑھانا اگر آساں ہوتا

محفل میں کل ملا تو، لگا پھر سے بھلا دل کو
سینے سے لگا لیتے، لگانا اگر آساں ہوتا

یہ ہے قانونِ قدرت، نہیں میرے بس میں حاوی
ستارے ہی ملا لیتے، ملانا اگر آساں ہوتا