اے دوست مجھے دیکھ کہ اب تک ہوں سفر میں

اے دوست مجھے دیکھ کہ اب تک ہوں سفر میں
رکنا ہے کہاں مجھ کو تری راہ گزر میں

ہر سمت حریفوں کے یہاں جال بچھے ہیں
میں شام و سحر رہتی ہوں دشمن کی نظر میں

کوئی بھی نہیں پوچھنے والا مری بابت
بیتاب ہوں بےچین ہوں اب تیرے نگر میں

خوشبو ہے کہ جلتی ہے رہِ عشق میں ہر دم
جلتا ہے کوئی غنچہ ہَمہ وقت شرر میں

دریا بھی ہوا خشک کسی دشت کی صورت
اک اشک نہیں آج مرے دیدہء تر میں

تارا کوئی ٹوٹا تھا تری آنکھ میں وشمہ
پھر چاند بھی نکلا نہ کبھی خواب نگر میں