اے میرے عید کے چاند۔۔۔۔۔۔۔۔۔۔

تجھ سے ہی وقت رنگیں ہے اے میرے عید کے چاند
تیرے بن کچھ بھی نہیں ہے اے میرے عید کے چاند

تیری یادوں سے معطر ہے میرا سارا وجود
تو ہی اس دل کا مکیں ہے اے میرے عید کے چاند

تیری خوشبو سے چمن زار میں کلیاں مہکیں
تجھ سے ہی دنیا حسیں ہے اے میرے عید کے چاند

میرے خیالات پہ چھائی ہے فقط جسکی ضیا
ہاں تو اک ایسا نگیں ہے اے میرے عید کے چاند

میں اسی بات پہ نازاں ہوں کہ چاہت تیری
میرے لفظوں کی جبیں ہے اے میرے عید کے چاند