بربادی کا گواہ مانگتے ہیں

مجھ سے وہ میری بربادی کا گواہ مانگتے ہیں
چالاک ہیں دل کے ٹوٹنے کی صدا مانگتے ہیں

اتنی کہاں قسمت اپنی کے وہ لگاتے مرہم
وہ تو ٹوٹے ہوئے دل پر زخم نیا مانگتے ہیں

وہ تو وہ ہیں لگے جو آگ کسی کے آشیانے کو
تو شجر سارے کے جلنے کی دُعا مانگتے ہیں

امید بھلائی کی کرتا کوئی بھلا ان سے کیسے
اہلِ دل کے لیے جو ہر وقت سزا مانگتے ہیں

کیا عجب بات ہے ساجد جس نے بےچین کیا سب کو
اپنے لیے وہ زمانے بھر کی وفا مانگتے ہیں