بِلا جواز تو ہوتا نہیں خفا کویٔ

بِلا جواز تو ہوتا نہیں خفا کویٔ
کِسی سے ہوتی ہے کچھ تو کہیں خطا کویٔ

یہ سوچ کر میں دُکھاتی نہیں غریب کا دِل
کہ لگ نہ جاۓ کہیں مجھ کو بد دُعا کویٔ

عجیب ڈھنگ سے گذری ہے زندگی ا پنی
نہ اجنبی ہے شہر میں ، نہ آشنا کویٔ

ہم ایک بوند بھی پیتے نہ زہرِ تنہایٔ
رۂ حیات میں ملتا جو آپ سا کویٔ

تو ہی غفورُ ہے ، تو ہی رحیم ہے مولا
نہیں ہے تیرے سوا میرا آسرا کویٔ

تجھی پہ ختم ہے میری محبتوں کا سفر
نہیں ہے تجھ سا زمانے میں دوُسرا کویٔ

مجھی سے عذراؔ بغاوت پہ دِل اُتر آیا
نہیں ہے دِل سا زمانے میں بے وفا کویٔ