بہت اچھا لگا تھا

محبت کا وہ لمحہ جب مری رگ رگ میں اُُُُترا تھا
بہت اچھا لگا تھا

کئی برسوں سے ٹھری جھیل میں کنکر پڑا تھا
بہت اچھا لگا تھا

سُُُُلگتی راکھ پر بارش کا قطرہ جب گرا تھا
بہت اچھا لگا تھا

تمہارا نام جب ہونٹوں پہ آکے رُُُُُک گیا تھا
بہت اچھا لگا تھا

کوئی خوابوں میں جب آکر شرارت کر گیا تھا
بہت اچھا لگا تھا

بہت نزدیک آ کر جب کوئی گھبرا گیا تھا
بہت اچھا لگا تھا

محبت کے جنوں میں جب کوئی ٹکرا گیا تھا
بہت اچھا لگا تھا