تجھے میں عشق کی زنجیر پہنا کر رکھوں

تیری صورت کو نگاہوں میں بسا کر رکھوں
دل یہ چاہتا ہے تجھے تجھ ہی سے چُرا کر رکھوں

تجھے دیکھوں، تجھے چاہوں، تجھ ہی سے پیار کروں
تیرے رنگ روپ کو میں سب سے چھپا کر رکھوں

کر لوں قید اپنے دل میں تیرے جیون کو
تجھے میں “عشق“ کی زنجیر پہنا کر رکھوں

کوئی بھی جان نہ پائے تیری آنکھوں کی گہرائی
میں تجھے ایسی “کنول جھیل “بنا کر رکھوں

دل یہ کہتا ہے تیرے بعد کوئی تجھ سا نہ ہو
میں تجھے آخری سانس تک اپنا بنا کر رکھوں