تمنائے عشق جگائی آپ نے

تمنائے عشق جگائی آپ نے
دنیائے دل بسائی آپ نے

ہر وقت رہے آپ کا خیال
عجب ہلچل مچائی آپ نے

اندازِ نظر سے ہوئے دیوانے گھائل
جب بھی نگاہ اٹھائی آپ نے

زندگی میں کوئی تمنا نہ رہی
عجب خواہش اپنی لگائی آپ نے

نگاہِ مست پہ حیا کا چشمہ
یہ ادا کہاں سے پائی آپ نے

تخیل حسن میں الجھ گیا یہ دل
جب زلف پریشاں سلجھائی آپ نے

بھری دنیا میں تنہا تھا امتیاز
ایسے میں بخشی راہنمائی آپ نے