تمھاری خاطر
Poet: Ahsan Mirza By: Ahsan Mirza, Karachiاجاڑ رت میں ملو کبھی تم
میں تم سے باتیں کرونگا دل کی
سنا کے قصے غموں کے اپنے
دکھا کے سارے سہانے سپنے
تمھاری آنکھوں میں جھانک لونگا
کہ تم وہی ہو
کہ جس کی خاطر لٹا کے خوشیاں
غمِ دہر کو گلے لگایا
تمھاری آنکھیں چھلک پڑی تو
میں جان لونگا
کہ تم وہی ہو
اگر نہیں تو پلٹ کے رستہ
میں چھوڑ دونگا
تمھاری خاطر
بسا کے دل کو تمھارے غم سے
میں خوش رہونگا
تمھاری خاطر
Rate it: 
Views: 590
24 Aug, 2011
More Love / Romantic Poetry
