تمہارا ساتھ چاہنے کی دعا

تمہارا ساتھ چاہنے کی دعا اچھی ہے یا بری
میری چاہت اور میری وفا اچھی ہے یا بری

میری نظر میری فکر میرا سفر میرا ہنر
میرے حسن سخن کی ادا اچھی ہے یا بری

میرا چلن میرا بیان میری ذات میری بات
خوئے من کوئی ان میں بھلا اچھی ہے یا بری

میری مرضی میرا اقرار میری ہاں سے مہرباں
تمہیں اپنے لئے میری رضا اچھی ہے یا بری

زمانے کی نگاہوں میں تو ہر انسان برا ہے
تمہارے واسطے میری ادا اچھی ہے یا بری

جو کل بھی اور آج بھی تمہارا نام لیتی ہے
تمہیں کہو کہ اس کی التجا اچھی ہے یا بری

کسی دن عظمٰی ان سے پوچھ کر بس اتنا بتا دو
میرا دل ان کے رہنے کی جگہ اجھی ہے یا بری