تمہارے پیار کی بارش میں بھیگنا چاہوں

تمہارے پیار کی بارش میں بھیگنا چاہوں
ہر ایک لمحہ تمہیں پاس دیکھنا چاہوں

تمام رات کرو پیار کی حسیں باتیں
تمہارے ساتھ میں اس رات جاگنا چاہوں

یہ پیار مجھکو نہ پاگل کہیں بنا ڈالے
بسا کے دل میں تمہیں میں تو پوجنا چاہوں

خیال و خواب میں اب اور نہ کوئی آئے
میں سوتے جاگتے بس تم کو سوچنا چاہوں

بڑی مرادوں سے یہ چودھویں کی رات آئی
تمہاری بانہوں میں میں آج جھولنا چاہوں

منافقت میں ہیں سب لوگ آج ڈوبے ہوئے
میں سارہ ان سے بہت دور بھاگنا چاہوں