تَم اپنا حصہ رکھ لو میرے حصے کو رہنے دو

تَم اپنا حصہ رکھ لو میرے حصے کو رہنے دو
اب یہ قصہ ہوا پَرانا اِس قصے کو رہنے دو

یہ تیرا وہ میرا ہے اور یہ میرا وہ تیرا ہے
ایسی باتیں کیوں کریں اس تذکرے کو رہنے دو

تَم نے بھی تو یہ ہی کہا تھا جو تیرا وہ میرا ہے
یہ ادلہ بدلہ کیا ہے ادلے بدلے کو رہنے دو

کس نے کس کو یاد رکھا کون کسے کب بھول گیا
اس جھگڑے میں کیا رکھا ہے اس جھگڑے کو رہنے دو

عظمٰی ہم تو یہ ہی کہیں گے اچھائی کو یاد رکھو
اچھے لمحوں کو دوہراؤ اور بَرے کو رہنے دو