جزیرہ

محبت اک جزیرہ ہے
جو نفرت کی تلاطم خیز موجوں سے
نمو تشکیل پاتا ہے
سحر ہونے سے پہلے تک
جزیرہ عشق میں ڈوبی ہوئی
روحوں کے مسکن کا نمونہ پیش کرتا ہے
محبت کے جزیرے سے
سر بام فلک ، نورکی تقریب
میں شامل جو
ارواح مقدس رقص کرتی ہیں
یہ ہی روحیں
بقائے باہمی کے درس کا پرچار کرتی ہیں
محبت وہ جزیرہ ہے
جسے تسخیر کرنا ہوتو لازم ہے
کہ اپنی ہار کا اعلان
اسے تعمیر کرنا ہوتو جس سے عشق کرتے ہو
اسے اپنے جمال_ آبرو کے عکس میں تبدیل کر ڈالو