جو روٹھ جاؤں کبھی تو مجھے منا لینا (دو گانا)

لڑکا۔۔۔۔۔۔۔۔۔۔۔۔۔۔۔۔۔


اگر میں دور چلا جاؤں تو بلا لینا
جو روٹھ جاؤں کبھی تو مجھے منا لینا


تمھیں خبر ہی کہاں تم کو چاہتا ہوں میں
تمھاری راہ کو ہر آن دیکھتا ہوں میں

تم اپنے پیار سے اپنا مجھے بنا لینا
جو روٹھ جاؤں کبھی تو مجھے منا لینا


لڑکی ۔۔۔۔۔۔۔۔۔۔۔۔۔۔۔۔۔


مجھے بھی تم سے محبت ہے اے مرے ہمدم
یہ پیار میری عبادت ہے اے مرے ہمدم

ہے عرض پیار سے سینے مجھے لگا لینا
جو روٹھ جاؤں کبھی تو مجھے منا لینا


اگر میں دور چلی جاؤں تو بلا لینا
جو روٹھ جاؤں کبھی تو مجھے منا لینا