خوابوں کو تعبیر ملے

‎خوابوں کو تعبیر ملے
‎بس جذبہء تعمیر ملے
‎دوائے دل اکسیر ملے
‎دعاؤں کو تاثیر ملے
‎تیرے نام کی لکیر ملے
‎میرےہاتھوں پہ تحریر ملے
‎کیسے کوئی بچ پائے گا
‎جب زلف گرہ گیر ملے
‎میرے حسن کا قیدی
‎عشق کا اسیر ملے
‎تجدید الفت کر ڈالی
‎کوئی نئی تعزیر ملے
‎تنکے ڈھونڈنے والوں کو
‎آنکھوں میں شہتیر ملے
‎کاغذ کے پھولوں سے
‎عنبر ملے یا عبیر ملے؟
‎یاد گلے کا ہار بنے
‎جب درد کی زنجیر ملے
‎رعنا نے دل تھام لیا
‎جگر میں اتنے تیر ملے