خیر دید دی کاسے پا دے جوگی آیا
Poet: NEHAL INAYAT GILL By: NEHAL INAYAT GILL, Gujranwalaخیر دید دی کاسے پا دے جوگی آیا
ہیرے آ کے شکل وکھا دے جوگی آیا
کھیڑیاں دے گھر آ کے یار بھلا چھڈیاں
دس نی ہیرے بیلے پیار بھلا چھڈیاں
واسطہ رب دا عید کرا دے جوگی آیا
ہیرے آ کے شکل وکھا دے جوگی آیا
کیڑے پاسے یار نی پائے چُوڑی نے
ویکھ لاں ہیرے کَن پڑوائے چُوڑی نے
ہتھی چُوڑی فیر کھاوا دے جوگی آیا
ہیرے آ کے شکل وکھا دے جوگی آیا
ہنجواں دے نال کاسے بھردا آیا اے
نہالؔ گِلاں دا مردا مردا آیا اے
بن کے عیسیٰ ہتھ ہی لا دے جوگی آیا
ہیرے آ کے شکل وکھا دے جوگی آیا
Rate it: 
Views: 597
10 Jun, 2016
More Love / Romantic Poetry
