دل بیچتا ہوں جگر بیچتا ہوں

دل بیچتا ہوں جگر بیچتا ہوں
دیکھو میں اپنا سر بیچتا ہوں

بچتا پھر کیا ، نصیب میں اپنے
ثمر بیچتا ہوں شجر بیچتا ہوں

کمایا تھا جو، جوانی میں ساری
وہی اب شام و سحر بیچتا ہوں

خریدے گا کون ، اب کے اسے
خون میں ڈوبا ، شہر بیچتا ہوں

خالی ہوا ہے ، میکدہ جب سے
شراب سے دھلی، نظر بیچتا ہوں

بچا نہیں کچھ ، پاس ہے میرے
فقط میں چشم تر بیچتا ہوں

ملتا نہیں قدر داں ، کوئی طاہر
ادھر بیچتا کبھی ادھر بیچتا ہوں