دلبری کس کو کہتے ہیں دیکھیں تو م

دلبری کس کو کہتے ہیں دیکھیں۔۔۔۔تو ہم
دل لگی کس کو کہتے ہیں دیکھیں۔۔۔۔تو ہم

اپنے چہرے سے زُلفیں۔۔۔۔۔۔ ہٹا دیجئے
روشنی کس کو کہتے ہیں دیکھیں۔۔۔۔ تو ہم

کھلکھلا کے ہنسیں وہ مرے ۔۔۔۔۔حال پر
چاندنی کس کو کہتے ہیں دیکھیں۔۔۔۔ تو ہم

اِک نظر مجھ کو بھی دیکھ لے ۔۔۔جانِ من
مہوشی کس کو کہتے ہیں دیکھیں۔۔۔۔ تو ہم

میری نبضوں پہ بھی ۔۔۔۔ہاتھ رکھ دیجئے
زندگی کس کو کہتے ہیں دیکھیں ۔۔۔۔تو ہم

اِس طرف میری جانب بھی ۔۔چشمِ کرم
میکشی کس کو کہتے ہیں دیکھیں۔۔۔۔ تو ہم

وہ خودی جس کو کہتے ہیں ۔۔۔خود دیکھ لیں
بے خودی کس کو کہتے ہیں دیکھیں۔۔تو ہم

پھر کبھی سب سے کہتے رہے۔۔۔ آج تک
وہ ابھی کس کو کہتے ہیں دیکھیں۔۔۔ تو ہم

وہ کلی مجھ سے کہتی ہے ۔۔۔۔۔۔جانِ وفا
بےکلی کس کو کہتے ہیں دیکھیں۔۔۔ تو ہم

اُن کی زلفوں کے سائے تلے۔۔۔۔ بیٹھ کر
تیرگی کس کو کہتے ہیں دیکھیں ۔۔۔۔تو ہم

دوستی آپ کی دشمنی ہی ۔۔۔۔۔۔۔تو تھی
دشمنی کس کو کہتے ہیں دیکھیں۔۔۔ تو ہم

کیا مرے دل سے نازک ہے ۔۔ان کا وجود
نازکی کس کو کہتے ہیں دیکھیں ۔۔۔۔۔تو ہم

وہ بھی آئے ہیں پھولوں کو تھامے ہوئے
اب ہنسی کس کو کہتے ہیں دیکھیں ۔۔تو ہم

مے کدہ میں وہ کب آئیں گے۔۔۔۔ ساقیا
کھلبلی کس کو کہتے ہیں دیکھیں۔۔۔۔۔ تو ہم

نہ عشوہ نہ غمزہ نہ کوئی ۔۔۔۔۔۔۔اور بات
دل کشی کس کو کہتے ہیں دیکھیں۔۔۔۔ تو ہم

"کھینچ دو اِس کو بھی دار پر ۔۔۔۔۔۔۔دوستو
عاشقی کس کو کہتے ہیں دیکھیں۔۔۔۔۔ تو ہم"

روک کر ایک دن مجھ سے ۔۔۔۔۔کہنے لگے
"لعنتی کس کو کہتے ہیں دیکھیں۔۔۔۔۔ تو ہم"

آپ کچھ تو سنا دیجئے ۔۔۔۔۔۔۔۔۔۔گا و سیم
شاعری کس کو کہتے ہیں دیکھیں۔۔۔۔ تو ہم