دو ستاروں کا زمیں پر ہے مِلن آج کی رات

دو ستاروں کا زمیں پر ہے مِلن آج کی رات
مُسکراتا ہے اُمیدوں کا چمن آج کی رات

رنگ لائی ہے میرے دل کی لگن آج کی رات
ساری دُنیا نظر آتی ہے دُلہن آج کی رات

حُسن والے تیری دنیا میں کوئی آیا ہے
تیرے دیدار کی حسرت بھی کوئی لایا ہے

توڑ دے توڑ دے پردے کا چلن آج کی رات
ساری دُنیا نظر آتی ہے دُلہن آج کی رات

جِن سے ملنے کی تمنا تھی وہی آتے ہیں
چاند تارے میری راہوں میں بِچھے جاتے ہیں

چومتا ہے میرے قدموں کو گگن آج کی رات
دو ستاروں کا زمیں پر ہے مِلن آج کی رات