رابطہ

بعد مَرنے کے میری تُم جو کہانی لِکھنا
کیسے برباد ہںوئی میری جوانی لکھنا

یہ بھی لِکھنا کہ اندھیروں مِیں ہے میرا مسکن
پیار کِرنوں کو ترستا ہے یہ دِل کا آنگن

آج اُس شخص نے چھینی ہے میری دِل دھڑکن
ساتھ جِس شخص کے میں نے ہے بِتایا بچپن

میرے اِس کرب کا تم بھی اُسے بانی لِکھنا
کیسے برباد ہںوئی میری جوانی لکھنا

یہ بھی لِکھنا کہ ابھی ساتھ ہے سایۂ اُس کا
آنکھ پُتلی پہ ابھی ثبت ہے چہرہ اُس کا

میری ہر شام اُسی کی سویرا اُس کا
رابطہ ٹُوٹ کے ٹُوٹا نہیں میرا اُس کا

پُوچھنا اُس سے یہ سب اُس کی زُبانی لِکھنا
کیسے برباد ہںوئی میری جوانی لِکھنا