راستے ہیں

خار گل چاند تارے بھی ہیں راستے
گر سمجھ تو اشارے بھی ہیں راستے

زندگی واسطے تو ہے فرقان تُو
سب صحیفے سپارے بھی ہیں راستے

صبح نو شام نم رات دن مہر و ماہ
زندگی کے نظارے بھی ہیں راستے


سوچ تو سُبک اپنے ہی بارے کبھی
سوچ تیری کے دھارے بھی ہیں راستے

لا ابالی نہ چل راہ پر خطرہ ہے
دشت کے خوف مارے بھی ہیں راستے


خوب رو پھول و گل باد سحراں کی مہک
شہرِ جاں کے نظارے بھی ہیں راستے


عشق کا فن نہیں جانِ حافظ تجھے
عشق میں تو خسارے بھی ہیں راستے

از قلم محمد مدثر متخلص حافظ