سانسوں میں بسا لو مجھے تم اپنا بنا لو
اک بار مری جاں مجھے سینے سے لگا لو
چاہا ہے تمہیں میں نے تو ہر چیز سے بڑھ کر
بانہوں میں کبھی اپنی مجھے تم بھی چھپا لو
بس اتنا ہی چاہوں گی “صنم “تم سے ہمیشہ
میرے لئے سینے میں محبت کو جگا لو
کیوں مجھ سے خفا رہتے ہو اتنا تو بتاؤ
میں دوڑی چلی آؤں گی جب چاہے بلا لو
ہو جائیں گے اک دن یہ اندھیرے بھی سبھی ختم
راہوں میں محبت کے چراغوں کو جلا لو
روتی ہوں تمہارے لئے دن رات مری جان
سارہ کے لئے اشک کبھی تم بھی بہا لو