سب پہ وہ مہربان رہتا ہے

سب پہ وہ مہربان رہتا ہے
ہم سے ہی بد گمان رہتا ہے

دل کا وہ حال ہے تمہارے بعد
جیسے خالی مکان رہتا ہے

وقت نا مہرباں ہے ، اور مجھکو
کیسا کیسا گمان رہتا ہے

مل تو لیتے ہیں ہم گلے لیکن
فاصلہ درمیان رہتا ہے

کیوں چھپاتےہو اشک آ نکھوں میں
کس کو ا تنا دھیان رہتا ہے

شکر کیجئے کہ خانہء دل میں
کوئی تو سخت جان رہتا ہے

وقت کو یوں نہ رائگاں کیجئے
آ خری اِمتحان رہتا ہے

زخم بھر جاتا ہے مگر انور
ایک گہرا نشان رہتا ہے