شام کو یادوں کے آنگن میں اتر جاتا ھوں

شام کو یادوں کے آنگن میں اتر جاتا ھوں
اور اس بزم سے پھر وقت سحر جاتا ھوں

مجھ کو مقصود ھے ھر حال میں راحت تیری
بوجھ ھوں گر تو تیرے دل سے اتر جاتا ھوں

میں تو قائم ھوں فقط تیری کشش کے باعث
تیری سرحد سے جو نکلوں تو بکھر جاتا ھوں

گنبد زات سے جو صدا آتی ھے
شب کی تنھائی میں سنتا ھوں تو ڈر جاتا ھوں

میں تو قائم ھوں ابھی عہد وفا پر اپنے
گر تجھے راس نہیں ھے تو مکر جاتا ھوں