Add Poetry

شب ہے،تنھائی ہے ، میں ہوں،محبوب ہے

Poet: Hasan Shamsi By: F.H.SIDDIQUI, Karachi

 شب ہے،تنھائی ہے ، میں ہوں،محبوب ہے
یہ نوازش تری اے خدا خوب یے

جب سے افشاء ہوا اپنی الفت کا راز
ہر ادا ان کی مجھ سے ہی منسوب ہے

جی تو کرتا ہے بانہوں میں بھر لوں انھیں
بات لیکن یہ سنتے ہیں معیوب ہے

وہ ہی مانوس سی خوشبو آنے لگی
لا ادھر نامہ بر، ان کا مکتوب ہے

بس تری دھن ہے اور عالم بیخودی
لوگ سمجھے ہیں یہ کوئی مجذوب ہے

حسن کے سامنے کیسے شکوے گلے
بات وہ کیجے جو ان کو مر غوب ہے

اے ‘حسن‘ اس لئے ان سے بنتی نہیں
جی حضوری ھی بس ان کو مطلوب ہے ‘

Rate it:
Views: 1104
28 Apr, 2016
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets