عذابِ الٰہی

خاموش کوئی پیغام آنے والا ہے
کچھ رنج و الم ساتھ لانے والا ہے

یہاں سوکھے پتوں کو گرا دیا جاتا ہے اور
موسمِ خزاں خواب میں بہار سجانے والا ہے

جو داستان سن کر آنکھیں کبھی نم ہوتی تھیں
آج وہی داستانِ درد سناکے وہ ہنسانے والا ہے

دیکھ کر جسے پستی پہ نظر نہیں جاتی تھی
آج اُن نظروں سے خود ہی خود کو گرانے والا ہے

ابر تو گزر ہی گئے ہیں فضا سے تقریباً
ہوا کا رُخ بھی اب بدلنے والا ہے

کوئی سمت صاف ظاہر نہیں ہے جہاں میں
یہ اندھیرا کسی طوفان کی خبر سنانے والا ہے

بہت خفا ہیں پہاڑ پتھر زمین ہم سے
ساحل بھی اپنا جوش اب دکھانے والا ہے

ہر سمت ظاہر ہے بے نوری کا عالم
آج خدابھی رحمت کا ہاتھ اٹھانے والا ہے