عشق میں ایسی پائیداری ہے
Poet: اعجاز اسد By: سارہ نوید, Lahoreعشق میں ایسی پائیداری ہے
تیری لغزش بھی ہم کو پیاری ہے
اس کا منہ موڑنا قیامت تھا
دل تڑپتا ہے زخم کاری ہے
تیرا کردار تو ہے معمولی
اور دستار کتنی بھاری ہے
آج دن بھر اداس اداس رہا
تم نے کیسے نظر اتاری ہے
زندگی کھیل ہے ڈرامے کا
ہر کھلاڑی پہ ذمہ داری ہے
کوئی اپنا نہیں لگا مجھ کو
آشنا سب ہیں سب سے یاری ہے
سربلندی عطا کرے گی تمہیں
یہ جو فطرت میں انکساری ہے
اس کا جنت سے واسطہ ہی نہیں
حسن اخلاق سے وہ عاری ہے
کھڑکیاں کھول دو ذرا اعجازؔ
اس نے شیشے پہ چونچ ماری ہے
Rate it: 
Views: 1730
20 Jul, 2022
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
