Add Poetry

لکھ لکھ کے کئی بار مٹایا ہے تیرا نام

Poet: muhammad nawaz By: muhammad nawaz, sangla hill

پلکوں کی چلمنوں میں چھپایا ہے تیرا نام
دھڑکن میں اسطرح سے بسایا ہے تیرا نام

بیٹھا ہوا ہوں آس میں یادوں کی ریت پر
لکھ لکھ کے کئی بار مٹایا ہے تیرا نام

رکتی ہی نہیں آرزو کی ضو فشانیاں
تاروں کے جھمگٹے سے چرایا ہے تیرا نام

ہر اک فنا کی راہ سے گزرا میں بے دھڑک
کچھ اسطرح سے روح میں سمایا ہے تیرا نام

میں جب کبھی نصیب کے ادراک کو نکلا
ہاتھوں کی لکیروں نے دکھایا ہے تیرا نام

یہ پھول ستارے گھٹا ساون ہوا جگنو
لفظوں کے کنایوں نے بتایا ہے تیرا نام

اے رشک ناز اب ذرا اٹھکیلیاں نہ کر
دے کر لہو کو تھپکی سلایا ہے تیرا نام

Rate it:
Views: 883
21 Oct, 2012
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets