مئی کی دھوپ میں جل جائے نہ یہ حسن جواں (گیت)

لڑکا
۔۔۔۔۔۔۔۔۔

مئی کی دھوپ میں جل جائے نہ یہ حسن جواں
ڈرو نہ سائے میں آ جاؤ تھوڑی دیر یہاں


ذرا بھی ہوتا نہیں مجھ سے کوئی تنگ سنو
میں دل کا سادھو ،طبیعت کا ہوں ملنگ سنو


ملے گا ایسا بھی بھولا سا تم کو شخص کہاں
ڈرو نہ سائے میں آ جاؤ تھوڑی دیر یہاں


لڑکی
۔۔۔۔۔۔۔۔۔۔۔


کبھی بھی سائے میں آنے کو نہ کروں گی میں ہاں
بلا کی دھوپ میں جل جائے چاہے حسن جواں


دکھائی دیتے ہو چہرے سے تو بہت معصوم
مگر ہے دل میں تمھارے مجھے وہ کیا معلوم

کھڑی رہوں گی یوں گرمی میں چاہے جائے یہ جاں
کبھی بھی سائے میں آنے کو نہ کروں گی میں ہاں


لڑکا
۔۔۔۔۔۔۔۔۔

مئی کی دھوپ میں جل جائے نہ یہ حسن جواں
ڈرو نہ سائے میں آ جاؤ تھوڑی دیر یہاں


لڑکی
۔۔۔۔۔۔۔۔۔

کبھی بھی سائے میں آنے کو نہ کروں گی میں ہاں
بلا کی دھوپ میں جل جائے چاہے حسن جواں