Add Poetry

ماشہ ماشہ خوشیاں۔۔۔

Poet: Kaashif Raazee By: Kaashif R. Chohdaree, Islamabad

دل کا قرار لوٹنے والی وہ دو آنکھیں
دھڑکنیں ان کے لیے بےقرار کرنا اچھا لگا

ہم جو اپنے لیے بھی وقت نہیں رکھتے،آج
نہ جانے کیوں اسکا انتظار کرنا اچھا لگا

مجھ سے مانگ کر،مرا ہی دل مجھے اسکا
مرے دل سے مجھے بے اختیار کرنا اچھا لگا

احسان نہ ادھار رکھتا ہوں میں کسی کا مگر
چاے کا ایک کپ آج ادھار کرنا اچھا لگا

جی ہان، جی نہیں کہنے والی اس لڑکی کا
دیر سے آنے پہ مجھ سے تکرار کرنا اچھا لگا

اسکی زباں پہ لوٹ کر نہ آنے کی تکرار اور
آنکھوں کا نہ جانے پہ اصرار کرنا اچھا لگا

ڈھیروں غم کے بوجھ تلے دب کر کاشف
ماشہ ماشہ خوشیاں شمار کرنا اچھا لگا

Rate it:
Views: 384
03 Jun, 2013
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets