محبت مسکراتی ہے

محبت مسکراتی ہے
یہ دل کو بہت بھاتی ہے

انجانے لوگ بھی مل جائیں
وہ آنکھوں کو اگر بھائیں

یہ خود ہی ہو جاتی ہے
محبت مسکراتی ہے

جب یادوں میں کھو جائے
پھر لوگ پاگل ہو جاتے ہیں

یہ راتوں کو جگاتی ہے
محبت مسکراتی ہے

جب اپنے روٹھ جاتے ہیں
کئی سمندر ٹوٹ جاتے ہیں

یہ آنکھوں کو مہکاتی ہے
محبت مسکراتی ہے

سب بیکار نظارے لگتے ہیں
کبھی گل بھی انگارے لگتے ہیں

یہ گلوں سے چمن کو جلاتی ہے
محبت مسکراتی ہے