محبت ھو گئی تو کیا کریں گے؟

محبت ھو گئی تو کیا کریں گے
تمھاری یاد سے الجھا کریں گے

اندھیری رات کے آنگن میں جاناں
تیری تصویر سے کھیلا کریں گے

تجھے ہم اپنے شعروں میں سجا کر
تیرے “احساس“ کی پوجا کریں گے

گلابوں میں جو دیکھی تتلیاں تو
تمھارے لمس کو سوچا کریں گے

ھم اپنی ڈائری میں جان جاناں
تمھاری فرقتیں لکھا کریں گے

کہاں ھو کس طرح ھو کس کے سنگ ھو
ہم اکثر چاند سے پوچھا کریں گے

وہ رستے جن پہ تھے تم ساتھہ میرے
تیرا پوچھیں گے تو رویا کریں گے

تمہاری یاد میں دن رات کھو کر
ہم اپنے آپ سے روٹھا کریں گے

کٹھن راہوں میں پڑ کر کیا کریں گے
ہم اپنے آپ کو تنہا کریں گے

تمہارے عشق میں بن کر تماشا
ہم اپنے آپ کو رسوا کریں گے