محبتوں کے سفر میں تو میری منزل ہے (گیت)

محبتوں کے سفر میں تو میری منزل ہے
ترا ہی پیار مری زندگی کا حاصل ہے

میں کہہ نہ پایا تجھے اپنے دل کی بات کبھی
سکوں میں نے گزاری نہیں ہے رات کوئی
قرار تھوڑا سا بے چینیوں کو مل جائے
جو اپنے ہاتھوں میں لے لے تو میرا ہاتھ کبھی

غموں کے لاکھ ہیں طوفاں تو میرا ساحل ہے
ترا ہی پیار مری زندگی کا حاصل ہے

ہے تیری سانسوں کی خوشبو مرے خیالوں میں
سجا دوں پھول محبت سے تیرے بالوں میں
تری لگن ہے ، تخیل میں میرے بس تو ہے
ترا حوالہ ہے میرے سبھی حوالوں میں

کہوں میں کیا تو مری دھڑکنوں میں شامل ہے
ترا ہی پیار مری زندگی کا حاصل ہے

محبتوں کے سفر میں تو میری منزل ہے
ترا ہی پیار مری زندگی کا حاصل ہے