ملاقات
Poet: مونا شہزاد By: Mona Shehzad., Calgaryتمهیں بھی یاد تو ہو گی؟... وہ ہماری پہلی ملاقات ؟
کہ مہکتی ہـے جوشگُفتہ گُلابوں کی طرح اب تک
ذھن ودل کے سبھی دریچوں میں
وہ جون کی تپتی سہ پہر ...تمهارا مجھے ملنے چلےآنا
وه جھکی جھکی سی، نظریں تمھاری
میں مُنتظر ہی رہی کہ کب نظریں وہ اٹھیں گی؟
پهر یکبارگی مجھے یہ احساس ہوا
کہ محبت کرنے والوں کو یہی دھڑکا سا رہتا ہو
یوں دیکھنا ان کا... اس مستُور، پاکیزہ، نوخیز محبت کو
کہیں میلا نہ کر ڈالے
مہ و سال کے اس دلکش حسیں سفر پہ نظریں دوڑاؤں تو لگتا ہے
یہ عزت، مان یہ رُتبـے، محبت کی عنایت ہیں
یہ ساری وعید محبت کی ہے
کہ لب و لہجے خود بخود گُداز ہو جائیں
دلوں کی بنجر مٹی سے
محبت کا ایسا تن آور درخت نکلتا ہے
دو انسان متحیر کھڑے سوچتے ہیں
عشق نگری کے ہیں انوکھے بھید یہ کیسے؟
کہ ہر اک موڑ پر اس میں ..نِت نئے ڈھنگ کی ملاقاتیں
اپنے رُوپ ہی سے ہو جائیں
یہ"پتھر " سے "پارس" تک کا جتنا بھی سفر تھا
کب کیسے طے کیا؟ عقل حیران ہے
مجھے تو بس آج بھی وہ سہ پہر یاد ہے
میرے دل کو ہر لمحہ تیرے ہونے کا خیال آتا ہے
تیری خوشبو سے مہک جاتا ہے ہر خواب میرا
رات کے بعد بھی ایک سہنا خواب سا حال آتا ہے
میں نے چھوا جو تیرے ہاتھ کو دھیرے سے کبھی
ساری دنیا سے الگ تلگ جدا سا ایک کمال آتا ہے
تو جو دیکھے تو ٹھہر جائے زمانہ جیسے
تیری آنکھوں میں عجب سا یہ جلال آتا ہے
میرے ہونٹوں پہ فقط نام تمہارا ہی رہے
دل کے آنگن میں یہی ایک سوال آتا ہے
کہہ رہا ہے یہ محبت سے دھڑکتا ہوا دل
تجھ سے جینا ہی مسعود کو کمال آتا ہے
یہ خوف دِل کے اَندھیروں میں ہی رہتا ہے
یہ دِل عذابِ زمانہ سہے تو سہتا ہے
ہر ایک زَخم مگر خاموشی سے رہتا ہے
میں اَپنی ذات سے اَکثر سوال کرتا ہوں
جو جُرم تھا وہ مِری خامشی میں رہتا ہے
یہ دِل شکستہ کئی موسموں سے تَنہا ہے
تِرا خیال سدا ساتھ ساتھ رہتا ہے
کبھی سکوت ہی آواز بن کے بول اُٹھے
یہ شور بھی دلِ تنہا میں ہی رہتا ہے
یہ دِل زمانے کے ہاتھوں بہت پگھلتا ہے
مگر یہ درد بھی سینے میں ہی رہتا ہے
ہزار زَخم سہے، مُسکرا کے جینے کا
یہ حوصلہ بھی عجب آدمی میں رہتا ہے
مظہرؔ یہ درد کی دولت ہے بس یہی حاصل
جو دِل کے ساتھ رہے، دِل کے ساتھ رہتا ہے
دِل کو لاچار کر دیا گیا ہے
خواب دیکھے تھے روشنی کے مگر
سب کو اَنگار کر دیا گیا ہے
ہر سچ کہنے پر ہم بنَے دوچار
ہم کو دوچار کر دیا گیا ہے
ذِکرِ حَق پر ہوئی سزا اَیسی
خونِ اِظہار کر دیا گیا ہے
حوصلے ٹوٹنے لگے دِل کے
جِسم بیکار کر دیا گیا ہے
عَدل غائِب ہے، ظُلم حاکم ہے
خَلق سَرکار کر دیا گیا ہے
ہر طرف بڑھ رَہی ہیں دیواریں
راہ دُشوار کر دیا گیا ہے
اپنے تخلص سے کہہ رہا ہوں میں
مظہرؔ بےکار کر دیا گیا ہے
اگر دل ہے تو وفا یوں کر ملے دل کو سکوں دل سے
جفاکاروں٬فاداروں بتاؤ تو ہوا حاصل
بتایا تھا تمہیں بھی تو نہیں اچھا فسوں زن کا
بھلا ہی دی گئی چاہت ہماری سو وفا کو ہم
برا کہتے نہیں ہیں ہم مگر اچھوں کا یوں کرنا
دعا بھی ہے دوا بھی ہے شفا بھی ہے سزا بھی ہے
ملے تو ہے سکوں دل کو ملے نا تو جنوں دل کا
لٹا کر آ گیا ہوں میں سبھی اپنا متاع دل
ہمارے دامنوں میں اب نہیں کچھ بھی زبوں ہے دل
