ملے ہیں درد فقط الفتیں بڑھانے سے

ملے ہیں درد فقط الفتیں بڑھانے سے
شبِ وصال نہ آئی دیے جلانے سے

مرا بھی یار اگر ہوتا حال دل سنتا
یہ کرب ختم ہو جاتا یوں غم سنانے سے

یہ کہتے ہوئے گیا توڑ کر سبھی تانے
کبھی تو کال نہ کرنا مجھے بہانے سے

نہ دیکھ ایسے حقارت سے میں نہیں کم ظرف
مر ا نہیں ہے تعلق برے گھرانے سے

بہار آئی تو گلشن میں پھول کھلنے لگے
ثواب کتنا ہوا اک شجر لگانے سے

تمھارا بن کے رہوں گا رہو گے ساتھ اگر
چلا گیا تو نہ آؤں گا پھر بلانے سے

کرو گے عشق تو الزام آئے گا شہزاد
یہ راز چھپتا نہیں ہے کبھی چھپانے سے