منزل کتھے، راہواں کتھے
Poet: AzharM By: AzharM, Dohaمنزل کتھے، راہواں کتھے
سینہ کتھے، ساہواں کتھے
لُٹدا اندروں، ٹُٹدا انروں
اپنڑے آپ توں چُھٹدا انروں
آپ اپنڑے توں لُکدا پھردا
اپنڑے آپ اچ پھُٹدا انروں
لتاں کتھے، بانہواں کتھے
منزل کتھے، راہواں کتھے
من کوں ماراں تن لڑدا اے
اک چھڈے دوجا جڑدا اے
بچ جاواں جے شیطاں کولوں
اندر ہک بندہ پھڑدا اے
جاواں تے میں جاواں کتھے
منزل کتھے، راہواں کتھے
اندر جینڑا، اندر مرنڑا
باہر کہونڑ توں وی ڈرنا
گھُٹ گھُٹ گلاں سینے وچے
اپنڑی اگ وچ آپے سڑنڑا
خوف گلے توں لانواں کتھے
منزل کتھے، راہواں کتھے
اگے ککھ نا پیچھ سمندر
باہر خوف اے خوف ہے اندر
اظہر خوف نسا کے لکھوا
لگدے ہتھاں نام قلندر
مُڑ کے خوف تے ہانواں کتھے
منزل کتھے، راہواں کتھے
Rate it: 
Views: 480
31 May, 2014
More Love / Romantic Poetry
