Add Poetry

مُجھے دُعاؤں میں یاد رکھنا

Poet: Nadeem Gullani By: Silsilla, lahore

تمہاری محفل سے جا رہا ہوں مُجھے دُعاؤں میں یاد رکھنا
اے میرے یارو لو میں چلا ہوں مُجھے دُعاؤں میں یاد رکھنا

رہ وفا میں فنا ہُوا پر کسی کے آگے جُھکا نہیں جو
وفاؤں کا میں وہ قافلہ ہوں مُجھے دُعاؤں میں یاد رکھنا

تیری دُعاؤں کے صدقے سے ہی وہاں پہ شاید میں بخشا جاؤں
یہ جاتے جاتے میں کہہ رہا ہوں مُجھے دُعاؤں میں یاد رکھنا

مُجھے دوبارہ صدا نہ دینا کہ اب تو باہم نہیں رہے ہم
میں تیری دنیا سے جا چُکا ہوں مُجھے دُعاؤں میں یاد رکھنا

نہ منزلوں کی خبر ہے مُجھ کو نہ راستوں کا پتہ ہے پھر بھی
میں اپنے گھر سے تو چل پڑا ہوں مُجھے دُعاؤں میں یاد رکھنا

نہیں ہے جس کا حل اب تو کوئی ندیم بس اک سوا تمہارے
میں ایک ایسا ہی مسئلا ہوں مُجھے دُعاؤں میں یاد رکھنا

Rate it:
Views: 798
28 Sep, 2010
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets