میرے دِل سے اُترنے آتے ہیں
Poet: جنید عطاری By: جنید عطاری, چکوالمیرے دِل سے اُترنے آتے ہیں
بحرِ نفرت میں تَرنے آتے ہیں
بات بے بات چرکے دیتے ہیں
کہتے ہیں زخم بھرنے آتے ہیں
یار میرے ہیں گویا چوپائے
اور مجھی کو ہی چرنے آتے ہیں
اِن کو کرنا تو کچھ نہیں آتا
صرف احسان دھرنے آتے ہیں
دنیا کم پڑ گئی ہے کیا جو آپ
میرے پہلو میں مرنے آتے ہیں
یہ مرے یار ہڈحرام مری
روز اصلاح کرنے آتے ہیں
Rate it: 
Views: 562
09 Aug, 2013
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
