میں تیرے حسن کے جلووں کو دیکھتا ہی رہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لڑکا ۔۔۔۔۔۔۔۔۔۔۔۔۔۔۔۔۔۔۔۔۔۔۔
مری زباں پہ ہر اک لمحہ تیرا نام رہے
دل و نگاہ میں بس تو ہی صبح و شام رہے

میں تیرے حسن کے جلووں کو دیکھتا ہی رہوں
تری اداؤں کو ہر پل سراہتا ہی رہوں

قبول تجھ کو مری جاں مرا سلام رہے
مری زباں پہ ہر اک لمحہ تیرا نام رہے

اتر رہا ہے فضاؤں میں حسن کا جادو
بکھر رہی ہے ہواؤں میں تیری ہی خوشبو

ملے ہیں آج یہاں یاد یہ مقام رہے
مری زباں پہ ہر اک لمحہ تیرا نام رہے

۔۔۔۔۔۔۔۔۔۔۔۔۔۔۔۔۔۔۔ لڑکی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فضا میں تیری وفا کی مہک ہے پھیلی ہوئی
کھلی ہے چاندنی تیرے ہی گیت گاتی ہوئی

تمام عمر وفاؤں کا یہ انعام رہے
دل و نگاہ میں بس تو ہی صبح و شام رہے

یہ کن حسین خیالوں میں کھو گئی ہوں میں
کہ اپنے آپ سے بے خود سی ہو گئی ہوں میں

ترے ہی نام سے منسوب میرا نام رہے
دل و نگاہ میں بس تو ہی صبح و شام رہے

مری زباں پہ ہر اک لمحہ تیرا نام رہے
دل و نگاہ میں بس تو ہی صبح و شام رہے