میں نقطہ نظر سمجھایا گیا ہوں

قطرہ قطرہ لایا گیا ہوں
صحراؤں میں برسایا گیا ہوں

کن سے لوح پر لکھوایا گیا ہوں
کن سے ہی مٹایا گیا ہوں

عشقِ مجازی میں تعمیر ہوا
عشقِ حقیقی میں ڈھایا گیا ہوں

تعبیرِ خوابِ پدر کی خاطر
سرِ خنجرِ خلیل آزمایا گیا ہوں

شہر شہر نگر نگر گلی گلی
قریہ قریہ رولایا گیا ہوں

تقاضائے ادب جرأتِ کلام نا کرنا
بڑی خامشی سے ستایا گیا ہوں

بصورتِ قیس لبادائے عشق میں
لیلی کی خاطر تماشایا گیا ہوں

سرِ عرش نور سے نہلایا گیا ہوں
سرِ فرش تہہِ خاک سلایا گیا ہوں

لغزش فقط خِطَّائے ربانی تھا
فردوس سے نکلا نہیں نکلوایا گیا ہوں

آتشِ نمرود میں گرایا گیا ہوں
کبھی صلیبوں پر لٹکایا گیا ہوں

مجسمائے طینی میں تخلیقِ نور
محدود مدت تک لایا گیا ہوں

آرائشِ کائنات میں مثلِ شمع
روشنی کے لیے جلایا گیا ہوں

ملائک وجن و خلق تمام کو
میں نقطہ نظر سمجھایا گیا ہوں