نہ میں مال ہوں نہ ملال ہوں کبھی میرے بارے میں سوچنا
Poet: wasim ahmad moghal By: wasim ahmad moghal, lahoreنہ میں مال ہوں نہ منال ہوں ۔۔۔۔۔۔کبھی میرے بارے میں سوچنا
نہ میں حُسن ہوں نہ جمال ہوں۔۔۔۔۔کبھی میرے بارے میں سوچنا
نہ یہ ہجر ہے نہ وصال ہے۔۔۔۔۔۔۔۔۔۔۔بس تیرا حسنِ خیال ہے
نہ تہی ہوں میں نہ نہال ہوں ۔۔۔۔۔۔کبھی میرے بارے میں سوچنا
میں تو ایک لمحہ ہوں جانِ جاں۔۔۔۔۔۔ جو تیرے سبب سےٹھہر گیا
ورنہ ایک گزرا خیال ہوں ۔۔۔۔۔۔۔کبھی میرے بارے میں سوچنا
تُو نے درد میرا سنا نہیں ۔۔۔۔۔۔۔۔۔۔۔۔۔۔میرا نالہ کوئی رسا نہیں
کیا میں مثلِ آہِ غزال ہوں۔۔۔۔۔۔۔۔کبھی میرے بارے میں سوچنا
اب تو میکدے میں بھی ساقیا ۔۔۔۔۔۔۔۔۔مجھے کوئی بھی نہیں پوچھتا
میں شکستہ جامِ سفّال ہوں۔ ۔۔۔۔۔۔۔کبھی میرے بارے میں سوچنا
نہ کسی کا مجھ پہ عتاب ہے۔۔۔۔۔۔۔۔۔۔ نہ ہی کوئی وجہءِ عذاب ہے
اپنی جاں پہ خود ہی وبال ہوں۔۔۔۔۔۔کبھی میرے بارے میں سوچنا
وہ جو دل میں ہے تیری آرزو۔۔۔۔۔۔۔ مجھے اپنی جاں سے عزیز ہے
نہ میں رنج ہوں نہ ملال ہوں ۔۔۔۔۔کبھی میرے بارے میں سوچنا
وہ جو تیرے دل میں خلش سی ہے۔۔۔۔۔ ہے دلیل میرے وجود کی
نہ خواب ہوں نہ خیال ہوں ۔۔۔۔۔۔کبھی میرے بارے میں سوچنا
میں تو ایک لمحہ ہوں جانِ جاں۔۔۔۔۔۔ جو تیرے سبب سےٹھہر گیا
ورنہ ایک گزرا خیال ہوں ۔۔۔۔۔۔۔کبھی میرے بارے میں سوچنا
میں کہ ایک قطرہءِ اوس ہوں۔۔۔۔۔۔ میری برگِ گل پہ ہے زندگی
میں کہ آئینہءِ جمال ہوں ۔۔۔۔۔۔۔کبھی میرے بارے میں سوچنا
میں تو سُوزِ دل ہوں اے جانِ من۔۔۔ میری روشنی ہے زمن زمن
میں بھی آپ اپنی مثال ہوں۔۔۔۔۔۔کبھی میرے بارے میں سوچنا
وہ جو میرے دل میں پیار ہے۔۔۔۔۔۔۔۔وہی تیرے دل پہ غُبار ہے
گویامیں ہی گردِ ملال ہوں۔۔۔۔۔۔۔۔کبھی میرے بارے میں سوچنا
تیری زلف کے ہیں جو پیچ و خَم۔ کہیں بڑھ کے اُن سےہیں میرے غم
میں بھی ایک اَمرِ محال ہوں ۔۔۔۔۔۔کبھی میرے بارے میں سوچنا
میرے دم سے تیرا وقار ہے ۔۔۔۔۔۔تیرے دم سے مجھ کو قرار ہے
تیرے سُر پہ میں ہی تو تال ہوں ۔۔۔کبھی میرےبارے میں سوچنا
جب سے ہم ملیں ہیں اے مہرباں۔۔۔۔۔ تیرا رنگ و رُوپ نکھر گیا
تب سے میں بھی روبہ کمال ہوں ۔۔۔کبھی میرے بارے میں سوچنا
تُو سراپا حسنُ و جمال ہے ۔۔۔۔۔۔۔۔۔۔۔تیرا حسن بھی با کمال ہے
میں بھی عشق میں لازوال ہوں ۔۔۔کبھی میرے بارے میں سوچنا
میری شاعری میرافلسفہ۔۔۔۔۔۔۔۔یہ تو فیض ہے تیرے عشق کا
میں تو عکسِ نور ِ جمال ہوں۔۔۔۔۔۔کبھی میرے بارے میں سوچنا
مجھے تُوسمجھتا ہے جاں بلب۔۔۔۔۔میری نبضیں گنتا ہےروزوشب
میں توتیرےغم میں نڈھال ہوں ۔۔کبھی میرے بارے میں سوچنا
تیرے دستِ فیض نے ساقیا ۔۔۔۔بے طلب بھی کی ہیں سخاوتیں
میں تو اِک سراپا سوال ہوں ۔۔۔۔۔کبھی میرے بارے میں سوچنا
میرے دل کو ہر لمحہ تیرے ہونے کا خیال آتا ہے
تیری خوشبو سے مہک جاتا ہے ہر خواب میرا
رات کے بعد بھی ایک سہنا خواب سا حال آتا ہے
میں نے چھوا جو تیرے ہاتھ کو دھیرے سے کبھی
ساری دنیا سے الگ تلگ جدا سا ایک کمال آتا ہے
تو جو دیکھے تو ٹھہر جائے زمانہ جیسے
تیری آنکھوں میں عجب سا یہ جلال آتا ہے
میرے ہونٹوں پہ فقط نام تمہارا ہی رہے
دل کے آنگن میں یہی ایک سوال آتا ہے
کہہ رہا ہے یہ محبت سے دھڑکتا ہوا دل
تجھ سے جینا ہی مسعود کو کمال آتا ہے
یہ خوف دِل کے اَندھیروں میں ہی رہتا ہے
یہ دِل عذابِ زمانہ سہے تو سہتا ہے
ہر ایک زَخم مگر خاموشی سے رہتا ہے
میں اَپنی ذات سے اَکثر سوال کرتا ہوں
جو جُرم تھا وہ مِری خامشی میں رہتا ہے
یہ دِل شکستہ کئی موسموں سے تَنہا ہے
تِرا خیال سدا ساتھ ساتھ رہتا ہے
کبھی سکوت ہی آواز بن کے بول اُٹھے
یہ شور بھی دلِ تنہا میں ہی رہتا ہے
یہ دِل زمانے کے ہاتھوں بہت پگھلتا ہے
مگر یہ درد بھی سینے میں ہی رہتا ہے
ہزار زَخم سہے، مُسکرا کے جینے کا
یہ حوصلہ بھی عجب آدمی میں رہتا ہے
مظہرؔ یہ درد کی دولت ہے بس یہی حاصل
جو دِل کے ساتھ رہے، دِل کے ساتھ رہتا ہے
دِل کو لاچار کر دیا گیا ہے
خواب دیکھے تھے روشنی کے مگر
سب کو اَنگار کر دیا گیا ہے
ہر سچ کہنے پر ہم بنَے دوچار
ہم کو دوچار کر دیا گیا ہے
ذِکرِ حَق پر ہوئی سزا اَیسی
خونِ اِظہار کر دیا گیا ہے
حوصلے ٹوٹنے لگے دِل کے
جِسم بیکار کر دیا گیا ہے
عَدل غائِب ہے، ظُلم حاکم ہے
خَلق سَرکار کر دیا گیا ہے
ہر طرف بڑھ رَہی ہیں دیواریں
راہ دُشوار کر دیا گیا ہے
اپنے تخلص سے کہہ رہا ہوں میں
مظہرؔ بےکار کر دیا گیا ہے
اگر دل ہے تو وفا یوں کر ملے دل کو سکوں دل سے
جفاکاروں٬فاداروں بتاؤ تو ہوا حاصل
بتایا تھا تمہیں بھی تو نہیں اچھا فسوں زن کا
بھلا ہی دی گئی چاہت ہماری سو وفا کو ہم
برا کہتے نہیں ہیں ہم مگر اچھوں کا یوں کرنا
دعا بھی ہے دوا بھی ہے شفا بھی ہے سزا بھی ہے
ملے تو ہے سکوں دل کو ملے نا تو جنوں دل کا
لٹا کر آ گیا ہوں میں سبھی اپنا متاع دل
ہمارے دامنوں میں اب نہیں کچھ بھی زبوں ہے دل
