وہ اک ساعت جو تیرے ساتھ میں نے گزاری ہے

وہ اک ساعت جو تیرے ساتھ میں نے گزاری ہے
وہ اک گھڑی مجھے ساری عمر سے پیاری ہے

تمہاری یاد میں گزرا میرا ہر ایک لمحہ
میرے ہر پہر ہر ایک پل پہ بھاری ہے

تمہیں برا نہ لگے تو میں ایک بات کہوں
مجھے لگتا ہے میری زندگی تمہاری ہے

یہ کیا کہ وصل کی سحر طلوع نہ ہو پائی
یہ کیا کہ ہجر کی شب آج تلک طاری ہے

مگر عظمٰی مجھے اس کا کوئی ملال نہیں
کہ میں نے زندگی تنہائی میں گزاری ہے