پلکوں کو تیری شرم سے جھکتا ہوا میں دیکھوں

پلکوں کو تیری شرم سے جھکتا ہوا میں دیکھوں
دھڑکن کو اپنے دل کی رکتا ہوا میں دیکھوں

پینے کا شوق مجھ کو ہرگز نہیں ہے مگر
قدموں کو مے کدے پہ رکتا ہوا میں دیکھوں

یارب کرم کی بارش اک بار ایسی کر دے
ہر پھول کو چمن میں ہنستا ہوا میں دیکھوں

جب بھی اٹھیں دعا کی خاطر یہ ہاتھ میرے
آنکھوں کو آنسوؤں سے بھرتا ہوا میں دیکھوں

توقیرؔ میرے رب کا کتنا کرم ہے مجھ پہ
خوشیوں کو سنگ اپنے چلتا ہوا میں دیکھوں